Basha: Sot dita e parë e betejës, do luftojmë deri në mposhtjen e regjimit (VIDEO)

admin 0

Basha: Sot dita e parë e betejës, do luftojmë deri në mposhtjen e regjimit

Kreu i Partisë Demokratike Lulzim Basha menjëherë pas votimit të Lindita Nikollës si kryetare e Kuvendit, është larguar nga salla për të mbajtur një prononcim për mediat jashtë saj.
Basha është shprehur se në sallën e kuvendit janë shkatërruesit e zgjedhjeve sipas tij të cilët kanë marrë peng vendin.
Kreu i PD ndër të tjera është shprehur se kjo është vetëm një ditë e betejës së nisur ndërsa ka shtuar se lufta do të vazhdojë deri në fund për të mposhtur qeverinë që ai e cilëson si regjimin e Ramës.
Lulzim Basha: Brenda në sallë ndodhen sot njerëzit që kanë minuar demokracinë duke nisur nga Edi Rama shkatërruesi i zgjedhjeve institucioneve dhe rendit kushtetues e reformës në Drejtësi dhe duhet të ishte para drejtësisë. Bashkë me të edhe monstrat e korrupsionit që e kanë bërë vendin më të korruptuar. Arben Ahmetaj, Belinda Balluku, Damian Gjiknuri. Të kapur në flagrancë në 2016 dhe të 25 prillit. Para drejtësisë duhet të ishte Taulant Balla krye shefi i bandave të Elbasanit dhe figuron në listën e zezë të Interpolit, për trafik droge e pastrim parash. Duhet të ishin para drejtësisë ato të dosjes 339, duhet të ishin edhe 3 të Tom Doshit e të Qefaliajt. Jashtë kësaj salle dhe para drejtësisë duhet të ishin ata që kanë grabitur djersën e shqiptarëve. Një që do të shpëtojë duke lënë mandatin ndërsa tjetri është në këtë sallë. Është pakicë e krimit dhe e korrupsionit dhe bie mbi fatin e shqiptarëve. Në këtë sallë nga Vermoshi në Konispol ta kthejmë në një fushë betejë me dhe për qytetarët shqiptarë deri në mposhtjen e këtij regjimi që ka marrë peng vendin. Kanë shpërdoruar fondet publike dhe kanë shkatërruar zgjedhjet. Sot duket si një ditë e vështirë për të folur për këtë betejë se në këtë sallë është edhe dita e parë e kësaj beteje. Pakica që ka marrë peng shqiptarët është dhe mbetet pakicë.

Leave a Reply

Your email address will not be published. Required fields are marked *