Ironia e Pëllumb Kullës: Hej dreq! Nuk na u ndanë votimet ne Shqiptarëve, votojmë edhe për Bregoviçin

admin 0

Ironia e Pëllumb Kullës: Hej dreq! Nuk na u ndanë votimet ne Shqiptarëve, votojmë edhe për Bregoviçin

Regjisori Pëllumb Kulla nuk ka mundur të mos reagojë në gjithë këtë “zallamahi” të madhe që po bëhet lidhur me pjesëmarrjen ose jo të Goran Bregoviçit në festën e Birrës në Korçë.
Ai thotë me anë të një shënimi në rrjete sociale, se një konflikt të tillë shqiptaro-shqiptar e duan vetëm ata që rreshtohen saherë në anën e mosarsyes.
Kulla iu këshillon atyre që nuk e duan Bregoviçin që ta bojkotojnë dhe të mos i shkojnë në koncert, ndërkohë që vetë konfirmon pjesëmarrjen. Duke u bazuar në ndarjen që është bërë së fundmi, pro dhe kundër ardhjes së tij në Korçë, regjisori Kulla e mbyll me një batutë: Hej dreq! Nuk na u ndanë votimet ne, shqiptarëve!
EDHE UNË, MBI ÇËSHTJEN BREGOVIÇ!
Është e turpshme kjo polemikë. Aq sa mua më vjen turp edhe që nuk rri dot pa marrë pjesë, edhe në këtë zhurmërim. Na tërheqin zvarrë ca njerëz me nevoja më të mëdha se ato muzikoret. Po na zvarritin në këtë terren të mirënjohur shqiptar, për një konflikt të ri shqiptaro-shqiptar. Për këtë u vu edhe kjo flakë politike. Këtë e duan gjasmenacionalistët e shumtë, votahumburit gojëhidhur, që vërsulen në çdo zjarr dhe rreshtohen në anën e mosarsyes.
Në këto pak rreshta, dua përulësisht të ftoj një zgjidhje për të dy palët. Nuk di që ai ta meritojë dënimin por, megjithatë, e dënoj artistin bosnjak Goran Bregoviç, edhe sikur atij antishqiptarizmi të mos t’i ketë shkuar nëpër asnjë sekondë. E dënoj duke iu kërkuar atyre që nuk e pëlqejnë, që të mos i shkojnë aspak, ta shohin dhe ta duartrokasin aty në festën e birrës në Korçë. Le ta lenë para mikrofonit me sheshin bosh përpara. Pa këmbë njeriu! Nga ana tjetër këngëtarin e shquar me atë popullaritet marramendës, e përgëzoj për simpatinë që ka fituar nëpër Ballkan dhe botë dhe uroj që në Korçë, të jetë i rrethuar me sa më shumë admirues. Ftoj të gjithë ata që e pëlqejnë të vrapojnë të shijojnë artin dhe zërin e tij. Unë do të jem mes tyre!… Hej dreq! Nuk na u ndanë votimet ne, shqiptarëve!


Leave a Reply

Your email address will not be published. Required fields are marked *